ट्रम्पको वाल स्ट्रिट जर्नलविरुद्ध मानहानि मुद्धा, १० अर्ब डलर क्षतिपूर्ति माग

काठमाडौँ । अमेरिकी राष्ट्रपति डोनाल्ड ट्रम्पले वाल स्ट्रिट जर्नलविरुद्ध मानहानि मुद्दा दायर गरेका छन् । उनले १० अर्ब डलर क्षतिपूर्ति माग गर्दै मुद्धा दायर गरेका हुन् ।

ट्रम्पले वाल स्ट्रिट जर्नलविरुद्ध गलत र मानहानिपूर्ण समाचार प्रकाशित गरेको आरोप लगाएका छन्, जसमा उनको नाम अर्बपति र यौन बेचबिखनका दोषी जेफ्री एपस्टाइनसँग जोडिएको छ ।

पत्रिकाले आफ्नो रिपोर्टमा ट्रम्पले २००३ मा एपस्टाइनलाई उनको ५०औं जन्मदिनमा पत्र पठाएको दाबी गरेको थियो । यस पत्रमा ट्रम्पको नाम मात्र थिएन, तर त्यसमा एक नाङ्गो महिलाको तस्बिर पनि जोडिएको थियो ।

ट्रम्पले यो समाचारलाई झूटो र अपमानजनक भनेका छन् र यदि वाल स्ट्रिट जर्नल र यसको मालिक रूपर्ट मर्डोक, उनको कम्पनी न्यूज कर्पलाई मुद्दा हालेका छन् ।

ट्रम्पका अनुसार यो ऐतिहासिक मुद्दा वाल स्ट्रिट जर्नलका लेखकहरू साथै यसका कर्पोरेट मालिकहरू र सहयोगीहरू विरुद्ध दायर गरिएको छ । उनले विशेष रूपमा रूपर्ट मर्डोक र रोबर्ट थमसनको नाम लिएका छन् र उनीहरूको भूमिका जे भए पनि, उनीहरू यस मुद्दाको शीर्षमा रहेको बताएका छन् ।