इरानका सर्वोच्च नेता अयातोल्लाह अली खामेनीले गरे इजरायलविरुद्ध युद्धको घोषणा

इरानका सर्वोच्च नेता अयातोल्लाह अली खामेनीले इजरायलविरुद्ध युद्धको घोषणा गरेका छन्। 

उनले सामाजिक सञ्जाल एक्समा लेखेका छन्, ‘हैदरको नाममा, युद्ध सुरु हुन्छ। हामी आतंककारी यहूदी (इजरायली) शासकलाई कडा जवाफ दिनेछौं। हामी उनीहरूमाथि कुनै दया देखाउने छैनौं।’ 

यो घोषणापछि इरानले इजरायलमाथि २५ वटा मिसाइल प्रहार गरेको छ, जसमा खेरी शकन क्षेप्यास्त्र प्रयोग भएको दाबी गरिएको छ। यो मिसाइल इस्लामिक रिभोलुसनरी गार्ड कोर्प्स (आइआरजीसी) को तेस्रो पुस्ताको हतियार हो, जसले एक हजार चार सय ५० किलोमिटरसम्म प्रहार गर्न सक्छ।

इरानको आक्रमणले तेल अभिभस्थित मोसादसहित गुप्तचर एजेन्सीका भवनहरूलाई निशाना बनाएको छ।

उता, इरानको राजधानी तेहरान र कारजमा विस्फोटका आवाज सुनिएका छन्, जहाँ इजरायली सेनाले औद्योगिक क्षेत्र र सैन्य अड्डाहरूमाथि आक्रमण गरेको छ। 

इजरायली सेनाले तेहरानको जिल्ला १८ खाली गर्न चेतावनी जारी गर्दै थप आक्रमणको संकेत दिएको छ। इरान र इजरायलबीच विगत पाँ दिनदेखि हिंसात्मक द्वन्द्व चलिरहेको छ, अब खामेनीको घोषणापछि यसलाई युद्ध भनिनेछ। 

अमेरिका पनि चाँडै यो युद्धमा सामेल हुन सक्ने आंकलन भइरहेको छ।

हालसम्म २२४ इरानी मारिएका छन् भने एक हजार ४८१ जना घाइते भएका छन्। इजरायलमा हालसम्म २४ जनाको मृत्यु भएको छ भने ६०० भन्दा बढी घाइते भएका छन्। एजेन्सी