घट्यो सुनको मुल्य

काठमाडौं । साताको पहिलो कारोबार दिन आज सोमबार नेपाली बजारमा सुनको मूल्य घटेको छ भने चाँदीको मूल्य चाहिँ स्थिर रहेको छ । हिजोको तुलनामा आज सुनको मूल्य प्रतितोला एक सय रुपैयाँले घटेको हो ।

नेपाल सुनचाँदी व्यवसायी महासंघका अनुसार आज छापावाल सुन तोलामा एक लाख ५७ हजार रुपैयाँ कायम भएको छ । यसअघि हिजो छापावाल सुन तोलामा एक लाख ५७ हजार एक सय रुपैयाँ कायम भएको थियो । हिजो तोलाको १ हजार ८ सय ६० रुपैयाँ कायम भएको चाँदीको मूल्य आज स्थिर रहेर सोही मूल्य कायम भएको महासंघले जनाएको छ ।