खोटाङमा एयर डाइनेस्टीको हेलिकप्टर दुर्घटना, घाइतेलाई काठमाडौँ ल्याइयो

काठमाडौँ- खोटाङको केपिलासगढी गाउँपालिका २ खार्तम्छाको बालाबेंसीमा काठमाडौँबाट गएको एयर डाइनेष्टीको हेलिकप्टर अवतरणका क्रममा बुधबार मध्याह्न दुर्घटना भएको छ।

शव बोकेर पुगेको उक्त हेलिकप्टर दुर्घटनापछि उद्धारका लागि पुगेको अर्को हेलिकप्टरले पाइलट र एक जना घाइतेलाई लिएर काठमाडौं फर्किँदै छ। अन्य अरू यात्रुको अवस्था सामान्य रहेको जानकारी खोटाङका प्रहरी नायब उपरीक्षक प्रकाश बुढाथोकीले बताएका छन्।