टी–२० वरीयतामा दीपेन्द्र नवाैँ स्थानमा उक्लिए

नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरी अन्तर्राष्ट्रिय क्रिकेट परिषद् (आईसीसी) को नयाँ टी–२० अन्तर्राष्ट्रिय वरीयतामा अलराउन्डरतर्फ नवौँ स्थानमा उक्लिएका छन् । 

यसअघि दशाैँ स्थानमा रहेका दीपेन्द्र एक स्थान सुधार गर्दै नवाैँ स्थानमा उक्लिएका हुन् । दीपेन्द्र एक सय ५२ रेटिङ अङ्कका साथ नवाैँ स्थानमा उक्लिएका हुन् । 

यस्तै टी–२० अन्तर्राष्ट्रिय वरीयतामा ब्याटिङमा कुशल भुर्तेल एक स्थान सुधार गर्दै ३९ स्थानमा उक्लिएका छन् । टी–२० अन्तर्राष्ट्रिय वरीयतामा बलिङतर्फ सन्दीप लामिछाने ३९ औँ स्थानमा यथावत् छन् । 

एकदिवसीय अन्तर्राष्ट्रिय वरीयतामा ब्याटिङमा राेहितकुमार पाैडेल एक स्थान सुधार गर्दै ८२ औँ स्थानमा उक्लिएका छन् । एकदिवसीय अन्तर्राष्ट्रिय वरीयतामा बलिङमा सन्दीप लामिछाने एक स्थान सुधार गर्दै ४३ औँ स्थानमा उक्लिएका छन् ।