माओवादीमा ३४४ जना केन्द्रीय सदस्य र ८५ जना वैकल्पिक केन्द्रीय सदस्य हुने

काठमाडौं । नेकपा माओवादी केन्द्रको केन्द्रीय कमिटी ३४४ जनाको रहने भएको छ । सोमबारको केन्द्रीय समिति बैठकमा अध्यक्ष प्रचण्डले २४७ जनाको केन्द्रीय कमिटी रहने प्रस्ताव गरेका हुन् ।  यस्तै अन्य नेताहरुलाई समेट्न ८५ जना वैकल्पिक केन्द्रीय सदस्य बनाउने पनि प्रचण्डले प्रस्ताव गरेका छन् । 

प्रचण्डले सोमबारको बैठकमा २९७ जना केन्द्रीय सदस्य फाइनल भएको जानकारी दिँदै बाँकी सदस्य पनि छिट्टै मनोनयन गरिने बताएको एक नेताले बताए ।  प्रचण्डका अनुसार कुल केन्द्रीय समिति संख्याको २५ प्रतिशत वैकल्पिक केन्द्रीय सदस्य मनोनयन गर्ने प्रस्ताव गर्दै जसअनुसार ८५ जना मनोनयन हुने बताए । जसअनुसार केही मनोनित भइसकेको र बाँकी विभिन्न तहको कमिटीबाट आउने सिफारिसका आधारमा मनोनयन गरिने बताए । 

​प्रचण्डका अनुसार केन्द्रीय समिति जम्बो बनाउन नसकिने भएकाले नै वैकल्पिकको व्यवस्था गरिने बताएका छन् । आजको बैठकमा प्रचण्डले ९७ जना केन्द्रीय सदस्य तथा प्रस्तावित सदस्यहरूको सूची प्रचण्डले पेस गरेका छन् । खुलातर्फ ५५ तथा समानुपातिक तर्फ ४२ जनाको नामा प्रचण्डले पेस गरेका हुन् । 

प्रचण्डले केन्द्रीय सदस्य र वैकल्पिक सदस्यहरुको सूची केन्द्रीय कार्यालयले अन्तिम रुप दिने पनि बताएका छन् ।