पिकनिकबाट फर्कँदै गरेको बस जहरसिंह पौवाको जंगलमा दुर्घटना, ४ जनाको मृत्यु

काठमाडौं । काठमाडौंको शंकरापुर नगरपालिका–३ स्थित जहरसिंह पौवा जाने बाटोमा बस दुर्घटनामा परेको छ । बस दुर्घटना हुँदा ४ जनाको मृत्यु भएको छ ।  

जिल्ला प्रहरी परिसर काठमाडौंका एसपी पवन भट्टराईका अनुसार साँझ करिब ५ः४५ बजे बा ४ ख ८७८८ नम्बरको बस सडकबाट करिब १०० मिटर तल खसेर रुखमा अड्किएको थियो । मृत्यु हुनेमा १ पुरुष र ३ महिला छन् । मृतकहरूको पहिचाल खुलिसकेको छैन ।

 घाइतेहरूको शंखरापुर अस्पताल, मुलपानी नगर अस्पताल, सुष्मा कोइराला अस्पताल साँखु र नेपाल मेडिकल कलेज जोरपाटीमा उपरचार भइरहेको छ । बसमा करिब ३५ देखि ४० जना सवार थिए । नेचर हब नामक संस्थाका कर्मचारीहरू पिकनिक सकेर फर्किने क्रममा दुर्घटना भएको प्रहरीले जनाएको छ ।

 दुर्घटनाबारे थप अनुसन्धान भइरहेको प्रहरीले जनाएको छ ।