मेयरद्धय बालेन र हर्कबीच पहिलो भेट बार्ता

काठमाडौं। काठमाडौंमा दुई  मेयरहरुबीच भेट भएको छ।

काठमाडौं महानगरपालिकाका मेयर बालेन शाह र धरान उपहानगरपालिकाका मेयर हर्क साम्पाङ्बीच मंगलबार भेट भएको हो।

बालेनलाई भेट्न हर्क काठमाडौं महानगरपालिकाको कार्यालय पुगेका थिए। उनीहरुबीच पहिलो पटक भेट भएको हो।

भेटपछि हर्कले बालेनसँग रमाइलो कुराकानी भएको प्रतिक्रिया दिएका छन्। हर्क साम्पाङले बालेनसँग भेट गर्दाका धेरै तस्बीर अपलोड गरेका छन् र भनेका छन्, आज बालेन साहज्यूसँग पहिलो भेट भयो । रमाइलो भयो कुराकानी ।

तर, कुराकानी के के भयो भन्ने विषय भने उनले खुलाएका छैनन् । भेटका तस्वीरमा बालेन र हर्कले एक अर्कालाई लोगो लगाइदिएको देखिन्छ र दुबै मेयर प्रसन्नँ मुद्रामा देखिन्छन् ।

बालेनलाई भेट्नुअघि साम्पाङले सोमबार प्रधानमन्त्री पुष्पकलम दाहाल प्रचण्डलाई भेट गरेका थिए । प्रधानमन्त्री दाहालसँगको भेटमा मेयर साम्पाङले धरानमा कोशीबाट पानी ल्याउने योजना आउँदो बजेटमा राख्न आग्रह गरेको बताएका छन् ।

उनले धरानमा खानेपानीको दीर्घकालीन समस्या समाधानका लागि कोशीबाट खानेपानी ल्याउने योजना नै प्रधानमन्त्रीलाई बुझाएका छन् ।