प्राधिकरणले सार्बजनिक गर्यो आन्तरिक उडानको अधिकतम हवाई भाडादर

काठमाडौं । नेपाल नागरिक उड्डयन प्राधिकरणले आन्तरिक उडानको हवाई भाडादर सार्वजनिक गरेको छ ।

दशैं, तिहार तथा छठको समयमा हवाई टिकटको अत्यधिक माग रहेको र सहज उपलब्ध नरहेको अवस्थालाई न्यूनीकरण गर्न भन्दै प्राधिकरणले देशभित्रका विभिन्न गन्तव्यमा दशैंको टीकाको दिन अर्थात् असोज १६ गते अधिकतम भाडादर सार्वजनिक गरेको हो ।

नेपाल सरकारबाट स्वीकृत तोकिएको अधिकतम भाडादरभन्दा बढी रकम यात्रुहरुबाट नलिन पनि प्राधिकरणले वायु सेवा कम्पनी र सरोकारवालाई निर्देशन दिएको जनाएको छ । साथै प्राधिकरणले तोकिएको भन्दा बढी भाडा लिएमा कारबाही गर्ने चेतावनी दिएको छ ।

प्राधिकरणले सार्वजनिक गरेको सूचीअनुसार सबैभन्दा धेरै भाडा काठमाडौं–धनगढीको १७ हजार ५७९ रहेको छ भने सबैभन्दा कम भाडा काठमाडौं–सिमराको ३ हजार ९७८ रहेको छ ।

सार्वजनिक अधिकतम हवाई भाडादर:

१- काठमाडौं–विराटनगर: ९ हजार ७८५ रुपैयाँ ।

२- काठमाडौं–भरतपुर: ४ हजार ६४३ रुपैयाँ ।

३- काठमाडौं–भद्रपुर: १२ हजार ११२ रुपैयाँ ।

४- काठमाडौं–जनकपुरमा: ५ हजार ४७० रुपैयाँ ।

५- काठमाडौं–पोखरा: ६ हजार ६३५ रुपैयाँ ।

६- काठमाडौं–नेपालगञ्ज: १३ हजार १०३ रुपैयाँ ।

७- काठमाडौं–धनगढी: १७ हजार ५७९ रुपैयाँ ।

८- काठमाडौं–सिमरा: ३ हजार ९७८ रुपैयाँ ।

९- काठमाडौं–भैरहवा: ८ हजार ४६१ रुपैयाँ ।

१०- काठमाडौं–राजविराज: ८ हजार २१० रुपैयाँ ।

११- काठमाडौं–सुर्खेत: ९ हजार ३० रुपैयाँ ।

१२- काठमाडौं–तुम्लिङटार: ७ हजार ६३० रुपैयाँ ।