परिजिता अमेरिकी द भ्वाइसको सेमिफाइनलमा

काठमाडौं । नेपाली मूलकी किशोरी परिजिता बाँस्तोला अमेरिकी संस्करणको टीभी रियालिटी शो ‘द भ्वाइस’को अन्तिम आठमा प्रवेश गरेकी छन् । नेपाली समयानुसार बुधबार बिहान भएको एपिसोडबाट दुई जना बाहिरिएका छन् भने परिजिता अन्तिम आठमा प्रवेश गरेकी छन् ।

यो एपिसोडमा उनले एलेसिया काराको गीत ‘स्कार्स टु योर ब्यूटीफुल’ गाएकी थिइन् । उनले आफ्नो गीत निकै उत्कृष्ट पाराले गाएको भन्दै अंग्रेजी गीतकाे चर्चित  गायिका एलिसियाले परिजितालाई परिजिताको पोष्टमा नै कमेण्ट गरेर वधाइ र शुभकामना सन्देशसमेत पठाएकी छिन्। उनले परिजिताको आवाजको प्रसंसा गर्दै सुन्दर आवाज भन्दै आफूलाई गर्व लागेको पनि उल्लेख गरेकी छिन्।