थाइल्याण्ड र कम्बोडिया तत्काल युद्धविराम गर्न सहमत

काठमाडौँ । थाइल्याण्ड र कम्बोडिया तत्काल र बिना शर्त युद्धविराम गर्न सहमत भएका छन् । मलेसियामा भएको वार्तामा स्थानीय समय अनुसार मध्यरातदेखि लागू हुने गरि युद्धविराम गर्न सहमत भएका हुन् ।

मलेसियाको मध्यस्थतामा भएको वार्तामा कम्बोडियाका प्रधानमन्त्री हुन मानेट र थाई कार्यवाहक नेता फुम्थम वेचायचाईबीच वार्ता भएको थियो । 

युद्धविराम बारे जानकारी दिन पत्रकार सम्मेलन गर्दै मलेसियाका प्रधानमन्त्री अनवर इब्राहिमले यो तनाव कम गर्ने र शान्ति र सुरक्षा पुनर्स्थापनाको लागि एक महत्त्वपूर्ण पहिलो कदम भएको बताएका छन् । चार दिनदेखि जारी द्वन्द्वमा दुवै देशमा कम्तिमा ३३ जनाको मृत्यु भएको छ भने एक लाख ३० हजार भन्दा बढी मानिसहरू विस्थापित भएका छन् ।