यस्तो छ राज्य व्यवस्था समितिको सभापतिको निर्वाचनको कार्यतालिका

काठमाडौँ । प्रतिनिधि सभा अन्तर्गतको राज्य व्यवस्था तथा सुशासन समितिको सभापतिको भदौं ११ गते बुधवार हुने निर्वाचनको कार्यतालिका सार्बजनिक भएको छ ।

संसद सचिवालयका अनुसार मंगलबार दिउसो १ बजेदेखि ४ बजेसम्म प्रतिनिधि सभाका सचिवको कार्यकक्षमा सभापतिको प्रस्ताव दर्ता गर्ने, दर्ता भएका प्रस्तावको सुची मंगलबार दिउसो ४: १५ प्रकाशित गरिने र बुधबार ३ बजे बस्ने राज्य व्यवस्था समितिको बैठकमा दर्ता भएका प्रस्ताव प्रस्तावकले पेश गर्ने र उक्त प्रस्तावहरु निर्णयार्थ प्रस्तुत गरिने तालिका रहेको छ ।

नेपाली कांग्रेसका सांसद रामहरि खतिवडाले कुलिङ पिरियड विवादमा नैतिक जिम्मेवारी लिँदै साउन २७ गते राजीनामा दिएपछि सभापति पद रिक्त रहेको थियो । प्रतिनिधि सभा नियमावली अनुसार सभापतिको पद रिक्त भएको १५ दिनभित्र चयन गरिसक्नुपर्ने नियम गरेको थियो ।