भारतको जम्मू कश्मीरमा बादल फुट्दा आएको बाढीपछि १७ जनाको मृत्यु

काठमाडौँ । भारतको जम्मू कश्मीरको किश्तवार जिल्लाको चिशोती गाउँमा बादल फुटेको घटनामा १७ जनाको मृत्यु भएको छ । अहिलेसम्म १७ जनाको शव फेला परेको समाचार एजेन्सी पिटीआईले उल्लेख अग्रेको छ । त्यस्तै अहिलेसम्म ६५ जनाको उद्धार गरिएको छ ।  

घटना मचैल माता यात्राको मार्गमा रहेको पडार उपविभागमा भएको र अहिले उद्धार कार्य जारी रहेको भारतीय मिडियाहरुले उल्लेख गरेका छन् ।

बादल फुटेको घटनापछि चिशोती गाउँमा अचानक बाढी आएको थियो, जसले धेरै घरहरूमा क्षति पुर्‍याएको बताइएको छ । जिल्ला प्रशासन र एनडीआरएफ टोलीहरू उद्धार कार्यमा जुटेको र बाढीले काठको पुल र पीएमजीएसवाई पुल दुवै क्षतिग्रस्त भएको बताइएको छ । 

स्थानीय प्रशासनले उद्धार टोलीहरू घटनास्थलतर्फ प्रस्थान गरेको र आवश्यक उद्धार र चिकित्सा व्यवस्थापनको व्यवस्था गरिएको बताएको छ ।