अल्फाबेटको 'माइलस्टोन त्रैमासिक', पहिलो पटक तीन महिनामा १०० अर्ब डलरको आम्दानी

काठमाडौँ । गुगलको मूल कम्पनि अल्फाबेटले २०२५ को तेस्रो त्रैमासिकमा पहिलो पटक १०० अर्ब डलरको राजस्व हासिल गरेको छ ।

सीईओ सुन्दर पिचाईले यसलाई 'माइलस्टोन त्रैमासिक' को रूपमा वर्णन गरेका छन्, अल्फाबेटले अनुसन्धान, युट्युब र क्लाउड जस्ता कम्पनीमा दोहोरो अंकको वृद्धि हासिल गरको छ । पाँच वर्षअघि कम्पनीको त्रैमासिक राजस्व ५० अर्ब डलर मात्र थियो ।

गूगलको एआईतर्फ ४० भाषाहरूमा एआई मोडहरू उपलब्ध छन् जसमा दैनिक ७५ मिलियन दैनिक प्रयोगकर्ताहरू रहेका छन् । यसमा ग्राहक वृद्धि ३४ प्रतिशत रहेको छ ।

एआईबाट गुगलले १३ उत्पादन लाइनहरूबाट एक अर्बभन्दा बढीको वार्षिक आम्दानी हासिल गरेको छ । त्यस्तै युट्युबको आम्दानी पनि दोहोरो अंकमा वृद्धि भएको छ भने सर्ट्स सुविधाले परम्परागत भिडियो भन्दा बढी राजस्व उत्पन्न गरिरहेको छ ।

त्यस्तै जेमिनीमा १ करोड ३० लाख भन्दा बढी डेभलपरले गुगलको जेनेरेटिभ एआई मोडेलहरूसँग काम गरिरहेका छन् ।

गुगलको विकास कथा प्रविधि र नवीनताको उदाहरण हो, जुन १९९८ मा सुरु भएको थियो जब ल्यारी पेज र सर्गेई ब्रिनले स्ट्यानफोर्ड विश्वविद्यालयमा खोज इन्जिन परियोजनाको रूपमा गुगल सुरु गरेका थिए । आज, यो विश्वको चौथो ठूलो कम्पनी बनेको छ र  गुगल समुह एल्फावेटको बजार मुल्य हाल ३२४ ट्रिलियन डलर रहेको छ ।