मेघ गर्जनसहित वर्षाको सम्भावना

काठमाडौं । आज देशका बिभिन्न भागहरुमा सामान्य बदली रही केही स्थानमा मेघ गर्जन सहित हल्कादेखि मध्यम वर्षा हुने भएको छ । 

जल तथा मौसम विज्ञान विभागका अनुसार देशभर आंशिकदेखि सामान्य बदली रही सुदूरपश्चिम र मधेस प्रदेशका एक–दुई स्थानमा र बाँकी प्रदेशका थोरै स्थानमा मेघ गर्जन/चट्याङसहित हल्कादेखि मध्यम वर्षाको सम्भावना छ । 

रातको समयमा पहाडी भू–भागमा आंशिकदेखि सामान्य बदली रही अन्य भू–भागमा आंशिक बदलीदेखि रहने जनाइएको छ । त्यस्तै प्रदेश नं १, बागमती र गण्डकी प्रदेशका केही स्थानमा  हल्कादेखि मध्यम वर्षाको सम्भावना रहेको विभागले जनाएको छ ।