माेरङमा ट्रेलरले माेटरसाइकललाई ठक्कर दिँदा दुई जनाकाे ज्यान गयाे

माेरङकाे बूढीगङ्गा गाउँपालिका–२ गङ्गाचोकमा ट्रेलरले माेटरसाइकललाई ठक्कर दिँदा दुई जनाकाे ज्यान गएकाे छ ।

आज बिहान विराटनगरबाट इटहरीका लागि छुटेकाे भारतीय नम्बर प्लेटकाे ट्रेलरले माेटरसाइकललाई ठक्कर दिँदा चालक केराबारी गाउँपालिका–७ का २७ वर्षीय हर्क परियार र माेटरसाइकलकाे पछाडि बसेका २१ वर्षीय भीमबहादुर राईको ज्यान गएकाे हाे ।

एफआर ३८ एफ २२१० को ट्रेलर गाडीले को ३० प ९१०३ नम्बरकाे मोटरसाइकललाई ठक्कर दिएको जिल्ला ट्राफिक प्रहरी कार्यालयका प्रमुख प्रहरी निरीक्षक राजकुमार कार्कीले जानकारी दिनुभयाे । 

दुर्घटनामा गम्भीर घाइते भएका परियार र राईकाे उपचारका क्रममा विराट शिक्षण अस्पतालमा ज्यान गएकाे थियाे । 

प्रहरीले ट्रेलर र ट्रेलर चालकलाई नियन्त्रणमा लिइ अनुसन्धान सुरु गरेकाे जनाएकाे छ।