एसीसी पुरुष प्रिमियर कप क्रिकेट : कुशल मल्लले पुरा गरे शतक

काठमाडौं । नेपाली ब्याट्सम्यान कुशल मल्लले एसीसी मेन्स प्रिमियरशिपअन्तर्गत भइरहेको खेलमा ओमानविरुद्ध शतक प्रहार गरेका छन्। त्रिवि क्रिकेट मैदानमा जारी खेलमा कुशलले ५९ बल खेल्दै १०१ रन बनाएका हुन्। 

एसीसी पुरुष प्रिमियर कप क्रिकेटअन्तर्गतको दोस्रो खेलमा ओमानविरुद्ध नेपालका लागि कुशल मल्लले अर्धशतक प्ररा गरेको छ । मल्लले उत्कृष्ट प्रदर्शन गर्दै उनले शतक प्रहार गर्ने क्रममा ९ चौका र ९ छक्का प्रहार गरेका हुन्। 

त्रिवि क्रिकेट मैदान, कीर्तिपुरमा टस हारेर पहिले ब्याटिङ गरिरहेको नेपालले सुरुवात चरणमा खराब प्रदर्शन गरेको थियो। नेपालका ओपनरद्वय कुशल भुर्तेल र आसिफ शेख खातासमेत नखोलेर बाहिरिएका थिए। कप्तान रोहित पौडेल र भीम सार्कीले नेपाललाई लयमा ल्याउने प्रयास गरे। पौडेल २३ र सार्की ३४ रन बनाएर बाहिरिए। 

कुशल नेपालका लागि ओडिआईमा शतक प्रहार गर्ने चौथो पाँचौ खेलाडी समेत बने । यसअघि नेपालका लागि पूर्व कप्तान पारस खड्का, दीपेन्द्र सिंह ऐरी, रोहित पौडेल र कुशल भुर्तेलले शतक प्रहार गरिसकेका छन् ।