पाँचथरमा मोटरसाइकल दुर्घटना हुँदा युवककाे ज्यान गयाे

पाँचथरकाे हिलिहाङ गाउँपालिका ७ अन्तर्गत मध्य पहाडी लोकमार्गमा मोटरसाइकल दुर्घटना हुँदा एक युवकको ज्यान गएको छ ।

ज्यान गुमाउनेमा मोटरसाइकल चालक हिलिहाङ ४ का ३६ वर्षीय रमेश योङया रहेका पाँचथर प्रहरीले बताएको छ । योङयालाई शुक्रवार (आज) बिहान साढे ८ बजे लोकमार्ग अन्तर्गत एक्चेप्पा भिरमा अड्किएको अवस्थामा प्रहरीले भेटेको थियो । 

प्रहरीले उपचारका लागि जिल्ला अस्पताल पाँचथर पुर्‍याउनासाथ डाक्टरले योङयालाई मृत घोषणा गरेको प्रहरी कार्यालय पाँचथरले जनाएको छ । योङया हिजो बिहीवार बेलुका ५ बजे मोटरसाइकलमा घरबाट सदरमुकाम फिदिम हिँड्नुभएको बताइएको छ ।