भृकुटीमण्डपकाे आगलागी अझै नियन्त्रणमा आएन, उपत्यकाभरका दमकलको प्रयोग

काठमाण्डौको भृकुटीमण्डपमा लागेको आगो अझै निभाउन सकिएको छैन ।

काठमाण्डौ, भक्तपुर र ललितपुर, नेपाल प्रहरी लगायतका दमकल र पानी ट्याङ्करको सहायतामा आगो निभाउने प्रयास भए पनि अझै निभाउन नसकिएको जिल्ला प्रहरी परिसर, काठमाण्डौका एसपी दिनेशराज मैनालीले जानकारी  दिनुभयो । 

भृकुटीमण्डपको बजारसँगै रहेको ह्वीलचेअरको गोदाममा दिउँसो तीन बजेदेखि आगो लागिरहेको छ । आगो के कारणले लागेको हो भन्ने अझै खुलेको छैन ।  अहिलेसम्म के कति क्षति भयो भन्ने पनि खुलिनसकेको उहाँले बताउनुभयो ।