प्रवासी भुजेल समाज, युएईको छैटौं अधिवेशन बाट अध्यक्षमा पुन: घर्ती सर्वसम्मत निर्वाचित

प्रवासी भुजेल समाज सेवा समिती युएईको छैटौ अधिवेशन बाट पुन: दोस्रो कार्यकालको लागी तुल बहादुर घर्ती लाई सर्वसम्मत निर्वाचित गर्दै सम्पन्न भयो । वर दुबई स्थित नेपाली ट्राभल्सको सभा हलमा सम्पन्न अधिवेशन्ले सन २०२४/०२६ कार्यकालको लागि १५ सदस्यीय नयाँ कार्यसमिति चयन गरेको हो ।

संस्थापक अध्यक्ष एवं वरिष्ठ सल्लाहकार सुर्य बहादुर खवासको संयोजकत्वमा गठित ५ सदस्यीय निर्वाचन समितिले घर्तिलाई पुनः २ वर्षे कार्यकालकोलागी सर्वसम्मत चयन गरेको हो । उक्त कार्यसमितिको वरिष्ठ उपाध्यक्षमा मीन बहादुर भुजेल ( स्याङ्जा ) उपाध्यक्ष द्वयमा महिला तर्फ
सुनिता घर्ती (रुपन्देही) देव बहादुर घर्ती ( लमजुङ) महासचिवमा हरि खवास (झापा), सचिवमा विनोद भुजेल (मोरङ), कोषाध्यक्षमा संजय भुजेल (चितवन), सहकोषाध्यक्षमा वसन्ती जिएम (स्याङ्जा) चयन हुनु भएको छ । यसैगरी अन्य सदस्यहरुमा क्रमशः प्रीतम भुजेल (झापा), खडक भुजेल (स्याङ्जा), अरुणा भुजेल (चितवन),  गिता भुजेल (सुनसरी), खड्ग बहादुर भुजेल (चितवन), ओम जिसि (चितवन) र अनिल घर्ती (तनहुँ) रहनु भएको छ ।

समाजका अध्यक्ष तुलबहादुर घर्तीको अध्यक्षतामा सम्पन्न कार्यक्रममा संस्थापक अध्यक्ष एवं वरिष्ठ सल्लाहकार सुर्य बहादुर खवास, संस्थापक उपाध्यक्ष एवं सल्लाहकार यम बहादुर घर्ती, सल्लाहकारहरु प्रेम घर्ती र दिलिप जिटि तथा पुर्व अध्यक्ष सुर्य बहादुर भुजेलले नव निर्वाचित कार्यसमिति लाई बधाई तथा शुभकामना मन्तव्य दिनु भएको थियो ।