विपद् उद्धारमा सघाउन अमेरिकी वायुसेनाका दुई विमान काठमाडौँमा, लोडरसहितका भारी उपकरण ओसारियो

काठमाडौँ। नेपालमा गएको विनाशकारी बाढी, पहिरो तथा प्राकृतिक विपद्का कारण उत्पन्न संकटपूर्ण स्थितिमा उद्धार, राहत तथा पुनस्थापना कार्यलाई तीव्रता दिन अमेरिकी सरकारले विशेष सहयोग पठाएको छ। विपद् प्रभावित क्षेत्रमा खोज, उद्धार तथा अवरुद्ध सडक सञ्जाल खुलाउने कार्यमा सघाउन अमेरिकी वायुसेनाका दुई वटा विशेष सैन्य विमानहरू भारी उपकरण र प्राविधिक सामग्रीसहित काठमाडौँ अवतरण गरेका हुन्।

त्रिभुवन अन्तर्राष्ट्रिय विमानस्थलमा अवतरण गरेका अमेरिकी सेनाका यी विशाल Cargo विमानमार्फत ल्याइएका सामग्रीहरूमा ठूला भग्नावशेष हटाउने, अवरुद्ध राजमार्ग तथा ग्रामीण सडकहरू खुलाउने र गम्भीर स्थितिमा उद्धार कार्य गर्न प्रयोग गरिने आधुनिक heavy loaders, डोजर तथा अन्य प्राविधिक उपकरणहरू रहेका छन्। यी उपकरणहरू कठिन र दुर्गम भौगोलिक बनावटमा पनि प्रभावकारी रूपमा सञ्चालन गर्न सकिने प्रविधियुक्त छन्।

विमानस्थलमा ओरालिएका उपकरणहरू नेपाल सरकार, गृह मन्त्रालय र नेपाली सेनासहितका सुरक्षा निकायहरूको प्रत्यक्ष समन्वयमा तत्कालै बढी प्रभावित स्थानहरूतर्फ परिचालन गरिनेछ। विपद् पछि पहिरोले थुनिएका नदी नियन्त्रण, पुरिएका बस्तीहरूमा खोजी कार्य र यातायात सञ्जाल पुनः सञ्चालन गर्न यी सामग्रीहरूले महत्वपूर्ण भूमिका खेल्ने विश्वास लिइएको छ।

नेपालस्थित अमेरिकी दूतावास र सम्बन्धित निकायहरूका अनुसार विपद्को यस कठिन घडीमा नेपाली जनताको जीवन रक्षा र राहत पुर्‍याउने कार्यमा नेपाल सरकारलाई सहयोग गर्न प्रतिबद्धता स्वरूप यी उपकरणहरू उपलब्ध गराइएको हो। अमेरिकी सेनाका विमानमार्फत आएको यो सहयोगले उद्धार तथा पुनरुत्थानको कामलाई अझ द्रुत, सुरक्षित र प्रभावकारी बनाउन ठूलो राहत पुग्ने नेपाली सुरक्षा अधिकारीहरूले जनाएका छन्।

पर्याप्त प्रविधि र उपकरणको अभावपछि ८ दिन बित्दा पनि जलविद्युत् आयोजनाका सुरुङमा फसेकाहरुको उद्धार हुनसकेको छैन।

तस्बिरहरु : नेपालस्थित अमेरिकी राजदूतावास