रास्वपाको चुनावी समिति गठन, उपसभापति डोलप्रसाद अर्याल संयोजक

काठमाडौं । राष्ट्रिय स्वतन्त्र पार्टी (रास्वपा) ले सङ्घीय निर्वाचन सम्पादन समिति गठन गरेको छ । रास्वपाले उपसभापति डोलप्रसाद अर्यालको संयोजकत्वमा ५१ सदस्यीय निर्वाचन सम्पादन समिति गठन गरेको हो । समितिको सदस्य सचिवको जिम्मेवारी शङ्कर श्रेष्ठलाई दिइएको छ ।

समितिमा सात प्रदेशबाट एक एक जनालाई प्रदेश समन्वय सचिव बनाइएको छ । जसमा कोशी प्रदेशमा उपेन्द्र पाण्डे, मधेश प्रदेशमा डा। नमिता यादव, बागमती प्रदेशमा सरिता ज्ञवाली, गण्डकी प्रदेशमा तोयाराज अधिकारी, लुम्बिनी प्रदेशमा अर्जुन अधिकारी, कर्णाली प्रदेशमा श्यामबाबु गौतम र सुदूरपश्चिममा डा। कृष्ण भेटुवाललाई प्रदेश समन्वय सचिवको जिम्मेवारी दिइएको छ ।

त्यसबाहेक ३ वटा विशेष समिति समेत गठन गरेको रास्वपाले जनाएको छ । जसमा आन्तरिक समन्वय उपसमिति, प्रशासनिक सम्न्वय उपसमिति र सञ्चार समन्वय समिति गठन गरेको रास्वपाले जनाएको छ ।