जन्ती लिएर आएकाे जीपले ठक्कर दिँदा सप्तरीमा १ जनाकाे ज्यान गयाे

सप्तरीमा आज सोमवार जीपको ठक्करबाट एक जनाको ज्यान गएको छ । डाक्नेश्वरी नगरपालिका १ कबिलासाको भित्री सडक खण्डमा जन्ती लिएर आएको बा १८ च ९३९० नम्बरको जीप पछाडि गर्ने क्रममा ठक्कर दिँदा एक पैदलयात्रीको ज्यान गएको हो ।

ज्यान गुमाउनेमा त्यही ठाउँका ५० वर्षीय रघुवीर राम रहेका जिल्ला प्रहरी कार्यालय सप्तरीका प्रवक्ता एवम् प्रहरी नायब उपरीक्षक ९डीएसपी० माधवप्रसाद काफ्लेले जानकारी दिनुभयो । 

मृतकको शवको पोस्टमार्टम भएको र ठक्कर दिने जीपका चालकलाई पक्राउ गरिएको प्रहरीले जनाएको छ ।