बलिउडमा २०२५ मा फ्लप भए यी ठुला बजेटका फिल्म

काठमाडौँ । २०२५ सालमा बलिउडको आशा केही विशेष फिल्महरूसँग जोडिएको थियो । ठूला स्टारहरूले सजिएका फिल्महरू, जबरदस्त प्रमोशन र ठूलो बजेटका  यी फिल्महरूमा सबै थोक थियो, तर उनीहरूले दर्शकको माया पाउन सकेनन् । एकातिर, अहान पाण्डे र अनित पड्डा अभिनित फिल्म 'सैयारा' ले अहिलेसम्म बक्स अफिसमा झण्डा गाडिरहेको छ भने, यस वर्ष धेरै यस्ता फिल्महरू रिलिज भए जुन बक्स अफिसमा असफल मात्र भएन, तर निर्माताहरूका लागि ठूलो घाटाको सौदा पनि बन्यो । जानौं २०२५ मा कुन ठूला फिल्महरूले फ्लपको उपाधि पाए।

इमर्जेन्सी

कंगना रनौतको 'इमर्जेन्सी' बाट धेरै अपेक्षाहरू थिए । यो फिल्म पूर्व प्रधानमन्त्री इन्दिरा गान्धीको जीवनमा आधारित थियो र निर्देशनदेखि अभिनयसम्म सबै कुराको जिम्मा कंगना आफैंले लिएकी थिइन् । फिल्मले औसत समीक्षा पाए पनि दर्शकहरू थिएटरतिर लागेनन् । लगभग ६० करोड भारुको बजेटमा बनेको यो फिल्मले विश्वभर केवल २१.७५ करोड भारु मात्र कमाउन सक्यो ।

देवा

शाहिद कपूरको 'देवा' एउटा प्रहरी अफिसरको भूमिकामा केन्द्रित फिल्म थियो, जसमा उनको चरित्रले आफ्नो सम्झना गुमाउँछ र सत्यको खोजीमा भटकन्छ । आइएमडीबीमा फिल्मले ७ को रेटिङ पायो, तर बक्स अफिसमा यसको प्रदर्शन कमजोर थियो । ५० करोडको बजेटबाट फिल्मले केवल ३२ करोड र विश्वव्यापी रूपमा ५१ करोड मात्र कमायो ।

सिकन्दर

'सिकन्दर' २०२५ को सबैभन्दा प्रतिक्षित फिल्महरू मध्ये एक थियो । सलमान खानको नाम, हाई-अक्टेन एक्सन, विशाल बजेट र ठूलो प्रचार, यस फिल्मा सबै थियो । तर फिल्मको स्क्रिप्ट र निर्देशन दर्शकहरूलाई मन परेन । २५० करोडको लागतमा बनेको यो फिल्मले विश्वव्यापी रूपमा १७६ करोड कमाईमा सीमित रह्यो । सलमानले यस फिल्मको लागि आलोचना पनि सामना गर्नुपर्‍यो ।

ग्राउन्ड जिरो

बीएसएफ अफिसर नरेन्द्र नाथ धर दुबेको सत्य कथामा आधारित, 'ग्राउन्ड जिरो' ले समीक्षकहरूबाट प्रशंसा पायो । इमरान हाशमीको अभिनय पनि प्रशंसनीय थियो । तर राम्रो रेटिङको बावजुद, दर्शकहरूको अभावले फिल्मको कमाईलाई असर गर्यो । यो फिल्म ५० करोडमा बनेको थियो र विश्वव्यापी रूपमा केवल १०.३५ करोड कमाउन सकेको थियो।

फतेह

सोनु सूदले 'फतेह' बाट निर्देशनमा डेब्यू गरे र फिल्ममा मुख्य भूमिका पनि निभाएका थिए । एक्सन र थ्रिलले भरिएको यो फिल्मले आइएमडीबीमा ७.१ रेटिङ पायो, तर दर्शकहरूले टिकट किन्नबाट टाढै रहे । ४० करोडको बजेटमा बनेको यो फिल्मले विश्वव्यापी रूपमा केवल १८.५ करोड मात्र कमाएर फ्लपको सूचीमा आफुलाई राख्यो ।