आजको मौसम

 
काठमाडौं । मौसम पुर्वानुमान महाशाखाकाअनुसार नेपालमा अहिले पश्चिमी वायुको आंशिक प्रभाव रहेको छ । आज धेरै ठाउँको मौसम आंशिकदेखि सामान्य बदली हुने पुर्वानुमान गरिएको छ । 

पश्चिमी वायुको प्रभावका कारण देशका धेरै ठाउँको मौसम आंशिकदेखि सामान्य बदली रहि प्रदेश १ मा हल्का वर्षाको सम्भावना रहेको छ । अन्य क्षेत्रमा भने बादल लागे पनि वर्षाको कुनै सम्भावना छैन । 

यस्तै, आज उच्च पहाडी र हिमाली जिल्लामा हल्का हिमपातको सम्भावना रहेको र भोलिको मौसम पनि यस्तै रहने अनुमान छ ।
पश्चिमी वायुका कारण यसपालिको हिउँदमा मौसम बदली भइरहे पनि पानी भने पर्न सकेको छैन ।