रजनीकान्तको कुलीसँग ऋतिक र जूनियर एनटीआरको वार-२ को बक्स अफिस भिडन्त

काठमाडौँ । बलिवुडमा अगस्ट १४ मा, हलहरूमा दोहोरो धमाका हुने भएको छ । किनभने यस दिन दुई ठूला फिल्महरू रिलिज हुदैछन् । एकातिर, ऋतिक रोशन र जूनियर एनटीआरको वार- २ रिलिज हुदैछन् भने अर्कोतर्फ, सुपरस्टार रजनीकान्तको कुली पनि सोही दिन रिलिज हुदैछ । रजनीकान्तको फिल्मको लागि दर्शकहरूमा ठूलो क्रेज देखिएको छ । यो क्रेज भारतमा मात्र नभई विदेशमा पनि देखिएको छ । कुलीले उत्तर अमेरिकामा अग्रिम बुकिङमा नै रेकर्ड बनाएको छ ।

फिल्मका निर्माताहरूले रजनीकान्तको फिल्म कुलीले अग्रिम बुकिङमा विदेशी देशहरूमा हलचल मच्चाएको छ । फिल्मले रिलिज हुनुभन्दा पहिले नै उत्तर अमेरिकामा रेकर्ड कमाई गरेको छ । कुलीले उत्तर अमेरिकामा प्रि-प्रिमियर बिक्रीमा २० लाख डलरको आँकडा पार गर्ने पहिलो तमिल फिल्म बनेको छ । अर्थात्, कुलीले अग्रिम बुकिङमा नै यो रेकर्ड बनाएको छ । यो हेरेर, रजनीकान्तको फिल्मप्रति मानिसहरूमा कति क्रेज छ भन्ने अनुमान लगाउन सकिन्छ ।

बलिवुड हंगामाका अनुसार रजनीकान्तको कुलीले पहिलो दिन सय करोड भन्दा बढी कमाई गर्ने अनुमान गरेको छ । फिल्मको अहिलेसम्म विश्वभर ८५ करोडको एडभान्स बुकिङ भएको छ । त्यस्तै अर्कोतर्फ वार-२ ले अहिलेसम्म १५ करोडको एडभान्स बुकिङ भएको बताइएको छ ।  

कुली यस वर्षको बहुप्रतिक्षित फिल्महरू मध्ये एक हो । सुपरस्टार रजनीकान्त बाहेक, बलिउड सुपरस्टार आमिर खान, नागार्जुन, श्रुति हासन, सोबिन शाहीर र उपेन्द्र राव पनि यस फिल्ममा मुख्य भूमिकामा देखिनेछन् । फिल्मको ट्रेलर बाहिर आएपछि दर्शकहरूको उत्साह अझ बढेको छ ।

कुलीले बक्स अफिसमा ऋतिक रोशन र जुनियर एनटीआरको वार २ सँग प्रतिस्पर्धा गर्नेछ । यी दुवै फिल्म १४ अगस्टमा रिलिज हुँदैछन् । ऋतिक रोशनसँगै जुनियर एनटीआरको उपस्थितिका कारण वार- २ ले साउथमा राम्रो प्रदर्शन गर्ने अपेक्षा गरिएको छ । यसबाट फिल्मलाई विशेष गरी तेलुगु उद्योगमा फाइदा हुनेछ । तमिल उद्योगमा रजनीकान्तको कुलीको अगाडि वार २ कहाँ खडा हुन्छ भनेर हेर्न रोचक हुनेछ । जबकि हिन्दी भाषी राज्यहरूमा, वार २ ले कुलीलाई ओझेलमा पार्ने अपेक्षा गरिएको छ ।