भाई फैसल खान भन्छन्- आमिर खानले मलाई एक बर्षसम्म घरमा थुने !

काठमाडौँ । बलिवुड फिल्म 'मेला' को कुरा गर्दा सबैभन्दा पहिले दिमागमा आउने अनुहार अभिनेता फैसल खानको हो । आमिर खानले 'मेला' बाट आफ्नो भाइ फैसलको करियर सुरु गर्ने प्रयास गरेका थिए, तर उनी नराम्ररी असफल भए । यद्यपि, फैसल खानले पहिले 'मधोष' र 'कयामत से कयामत तक' जस्ता फिल्महरू गरिसकेका थिए । तर २००० मा आएको 'मेला' त्यो युगको सबैभन्दा खराब र सबैभन्दा ठूलो फ्लप थियो । यसले फैसल खानको करियरलाई बर्बाद पारेको थियो । फैसलले हालै एक अन्तर्वार्तामा यस फिल्मको बारेमा कुरा गरेका छन् । उनले उनका भाइ आमिरले उनलाई हरेक महिना केही जीविकोपार्जन भत्ता दिने गरेको र जसले उनलाई गुजारा चलाउन मद्दत भएको समेत खुलासा गरेका छन् । 

'मेला' धर्मेश दर्शनले निर्देशन गरेका थिए । फैसल खान र ट्विंकल खन्ना बाहेक, आमिर खान आफैंले पनि फिल्ममा काम गरेका थिए । 'पिंकभिला' लाई दिइएको एक अन्तर्वार्तामा फैसलले के गलत भयो भनेर बताए । 

फैसलले उनका भाइ आमिरले उनलाई हरेक महिना केही पैसा भत्ताको रूपमा दिने गरेको बताएका छन् । उनी हाल मुम्बईको पाली हिल क्षेत्रमा रहेको पारिवारिक अपार्टमेन्टमा बस्छन् । फैसलले आफ्नो स्वास्थ्यको बारेमा समेत भनेका छन् ।

फैसलले भने, 'म आफैलाई हेरिरहेको थिएँ, म यो चक्रव्यूहबाट कसरी बाहिर निस्कन सक्छु ? यो मेरो लागि चक्रव्यूह बनेको थियो । म यसमा अल्झिएको थिएँ किनभने सम्पूर्ण परिवार मेरो विरुद्धमा थियो । उनीहरू सोचिरहेका थिए कि म पागल छु । बुबा घरको राजनीतिबाट टाढा हुनुहुन्थ्यो । उहाँले दोस्रो पटक विवाह गर्नुभएको थियो । तर म उहाँसँग कसरी पुग्ने ? मसँग उहाँको नम्बर पनि थिएन । अनि आमिरले मलाई एक वर्षसम्म घरमा कैद गरे । उनले मेरो मोबाइल खोस्नुभयो, म बाहिर जान सक्दिन । अंगरक्षकहरू मेरो कोठा बाहिर छन्, मलाई औषधि दिइरहेका छन् ।'

उनले धर्मेश दर्शनले आफुलाई 'मेला' को बारेमा पहिला भनेको बताए । फैसल खानले थप भने, 'मेलामा धेरै उत्कृष्ट कलाकारहरू थिए । आमिर खान बाहेक, यसमा जोनी लिभर, असरानी र अर्चना पूरन सिंह पनि थिए ।'

फैसलले फिल्म निर्माणको क्रममा आमिर र दर्शनबीच मतभेद भएको समेत बताए, जसले गर्दा फिल्म निर्माणमा ढिलाइ भएको थियो । र अन्ततः, फिल्म २००० मा रिलिज भयो । 

फैसल खानले 'मेला' पछि धेरै फिल्महरू गरे, तर उनको करियर सफल भएन । त्यसपछि धेरै चाँडै उनी फिल्म उद्योगबाट गायब भए । फैसल खानले १९८८ मा आमिर खान अभिनित 'कयामत से कयामत तक' बाट डेब्यू गरेका थिए । यसमा उनले खलनायकको भूमिका निभाएका थिए । त्यसपछि उनले आफ्ना बुबा ताहिर हुसेनलाई फिल्म 'तुम मेरे हो' मा सहयोग गरे, जसमा भाइ आमिर खान नायक थिए । सन् २०२१ मा फैसल खानले 'फ्याक्ट्री' नामक फिल्म निर्देशन गरे र त्यसमा अभिनय पनि गरे, तर त्यो फ्लप भयो ।