फेसबुकले हटाएको बालेन्द्र शाहको पोस्ट गर्‍यो रिकभर

काठमाडौं । काठमाडौं महानगरपालिकाका मेयर बालेन साहको फेसबुक पोस्ट रिकभर भएको छ । फेसबुकले हटाएको पोस्ट शुक्रबार पुनः रिकभर गरिदिएको हो । फेसबुकले बालेनसँग माफी माग्दै स्टाट्स रिकभर गरेको बताइएको छ । बालेनले पनि आफ्नो रिकभर भएको स्टाटसमा कमेन्ट गरेर यसको पुष्टि गरेका छन् ।

बालेनले नेकपा एमालेकी प्रदेश सांसद रेखा शर्मामाथि बाल श्रम दुरुपयोगको आरोप लगाउँदै भदौ १६ गते एक स्टाटस लेखेका थिए । त्यसमा उनले शर्मालाई पक्राउ गरेर अनुसन्धान गर्न माग गरेका छन् । साथै उनले एमाले अध्यक्षसमेत रहेका प्रधानमन्त्री केपी शर्मा ओलीविरुद्ध व्यङग्य पनि गरेका थिए ।

मेयर बालेनले भने स्ट्याटसमा एमाले कार्यकर्ताले रिपोर्ट गरेर उडाएको बताउँदै आएको थिए। फेसबुकले भने स्ट्याटस हटाएको बारे केही उल्लेख गरेको थिएन।

‘पोस्ट उडाउने हैन, दोषी समाउ, सरकार; म गलत हो भने मलाई समाउ, हैन भने दोषी समाऊ,’ भन्दै उनले प्रधानमन्त्री केपी शर्मा ओलीविरूद्ध रोष प्रकट गरेका थिए। त्यसपछि मेयर बालेनका समर्थकले प्रधानमन्त्रीको फेसबुकमा अनफलो अभियान सुरू गरेका थिए।