कांग्रेसबेगर प्रधानमन्त्री ओली एक पाइला पनि अगाडि बढ्न सक्तैनन - कृष्णप्रसाद सिटौला

काठमाडौं । नेपाली कांग्रेसका नेता एवं राष्ट्रिय सभा सदस्य कृष्णप्रसाद सिटौलाले प्रधानमन्त्री केपी शर्मा ओली आफूहरुको सहारामा रहेको टिप्पणी गरेका छन् । आज (बिहीबार) काठमाडौंमा आयोजित पार्टीको कार्यक्रमलाई सम्बोधन गर्दै उनले   नसक्ने बताएका हुन् । उनले अहिले सरकार कांग्रेसकै बलमा रहेको उनको दाबी छ ।

‘केपी ओलीजी प्रधानमन्त्री हाम्रो बलमा, हाम्रो सहारामा हुनुहुन्छ । हामी बेगर उहाँ अगाडि एक्लै जान सक्नुहुन्छ भन्ने हामी कोही कल्पना गर्न सक्दैनौं,’– उनले भने ।

‘एउटा विशेष परिस्थितिबाट निर्माण भएको सरकार हो यो । यसलाई हामीले जोगाएर लैजानु पनि छ । बनिसकेपछि यसलाई बीचमा भत्किन दिनु पनि भएको छैन,’ सिटौलाले भने, ‘यो सरकार जोगाउनका लागि जोगाउने होइन, यो सरकारले गर्ने नीतिहरूबाट, सरकारले गर्ने व्यवहारबाट राज्य सञ्चालनबाट जनताका बीचमा व्यापक काम गर्न सक्नुपर्छ ।’

वर्तमान सरकार विशेष परिस्थितिबाट निर्माण भएको बताउँदै उनले यसलाई जोगाएर लानुपर्ने दायित्व रहेको बताए । उनले सरकार जोगाउनका लागि जोगाउनेमात्रै नभएर सरकारको निति र ब्यवहारबाट जनताको बीचमा कांग्रेसले ब्यापक काम गर्न सक्नुपर्ने उनको भनाइ छ ।