प्रगतिशील लोकतान्त्रिक पार्टी देशभर भ्रष्टाचारविरोधी अभियान चलाउने

काठमाडौं। प्रगतिशील लोकतान्त्रिक पार्टी (प्रलोपा) ले देशभर भ्रष्टाचारविरोधी अभियान चलाउने निर्णय गरेको छ । काठमाडौंमा बसेको विस्तारित बैठकले भ्रष्टाचारविरोधी अभियान चलाउने निर्णय गरेको हो ।

प्रलोपाका नेता सुदन किरातीका अनुसार भ्रष्टाचारविरोधी अभियानका लागि जीएस गुरूङको संयोजकत्वमा ६ सदस्यीय कार्यदल गठन भएको छ । कार्यदलमा कार्यदलमा जटिल कार्की, अमित खनाल, सम्झना राई, ध्रुबप्रसाद काप्री, मञ्जु मिक्चान र दीपक महतो सदस्य रहेका छन् । 

बैठकले प्रलोपासँग बृहत एकता, ध्रुविकरण र सहकार्यका लागि सबै प्रगतिशील, लोकतान्त्रिक र देशप्रेमीहरूलाई आह्वान पनि गरेको छ। त्यसका लागि वार्ता र संवाद गर्न पार्टी सँधै खुला रहेको पनि प्रलोपाले जनाएको छ।

साथै तोकिएकै समयमा निर्वाचन गराउनका लागि वातावरण बनाउन सबै पक्षहरूलाई प्रलोपाले आह्वान गरेको छ। प्रलोपाले सरकारलाई चारवटा विषयमा ध्यानाकर्षण गराएको छ। उसले जेनजी आन्दोलनको म्याण्डेट यथाशीघ्र पूरा गरी भ्रष्टाचारीलाई छानबिन गरी कारबाही गर्न माग गरेको छ।