अवरुद्ध डुम्रे–आँबुखैरेनी सडकखण्ड सञ्चालन

पहिराले अवरुद्ध भएको पृथ्वीराजमार्ग अन्तर्गत तनहुँको डुम्रे–आँबुखैरेनी सडकखण्ड सञ्चालनमा आएको छ । बन्दीपुर गाउँपालिका–४ विमलनगरमा आज बिहान पहिरो जाँदा अवरुद्ध भएको सडकखण्ड मध्यान्ह १२ः१० बजेबाट सञ्चालनमा आएको हो ।

 पहिरो पन्छाएर राजमार्ग सञ्चालनमा ल्याइएको जिल्ला प्रहरी कार्यालय तनहुँका प्रहरी नायब उपरीक्षक युवराज खड्काले जानकारी दिनुभयो ।