बारा २ मा उपेन्द्र यादव ४ हजार बढी मत अन्तरले अगाडि

काठमाडौं । बारा क्षेत्र नम्बर २ को उपनिर्वाचनको मतगणना जारी छ । सत्ता गठबन्धनका साझा उम्मेदवार जसपा अध्यक्ष उपेन्द्र यादवले अग्रता कायम राखेका छन् । बारा–२ मा कूल ६८ हजार ८ सय ८७ मत खसेको थियो। अहिले सम्म २९ हजार २ सय १७ मत गनिसकिएको छ। 

जारी मत गणनामा जनता समाजवादी पार्टी (जसपा) का उम्मेदवार उपेन्द्र यादवले आफ्नो अग्रता कायमै राखेका छन्। पछिल्लो परिणामअनुसार उनले १२ हजार ७ सय ५२ मत ल्याएका छन्।

उनलाई पछ्याइरहेका जनतम पार्टीका उम्मेदवार शिवचन्द्र कुशवाहाले ८ हजार ४ सय ३७ मत प्राप्त गरेका छन् भने उनी पछि नेकपा एमालेका उम्मेदवार पुरुषोत्तम पौडेलले ४ हजार ४ सय ९९ मत पाएका छन्।

यसपछि राष्ट्रिय स्वतन्त्र पार्टीका उम्मेदवार रमेश खरेलले १ हजार ९ सय ७६ मत पाएका छन्।