सिंहदरबारबाट बिदा भइन् प्रधानमन्त्री कार्की

काठमाडौं । प्रधानमन्त्री शुशिला कार्की राजकीय जिम्मेवारीबाट अलग हुने तयारीमा रहेकी छन्। शुक्रबार प्रस्तावित नयाँ प्रधानमन्त्री बालेन शाहले पद तथा गोपनीयताको शपथ लिने कार्यक्रम तय भएको छ।

जिम्मेवारी छाड्न केही दिनमात्रै बाँकी रहेको अवस्थामा प्रधानमन्त्री कार्की प्रधानमन्त्री तथा मन्त्रिपरिषद् कार्यालयबाट जिम्मेवारी छाडिसकेकी हुन् ।

त्यसयता प्रधानमन्त्री कार्की सिंहदरबार स्थित कार्यालयमा गएकी छैनन्। कार्यालयमा रहेका उनका सामग्रीहरू सचिवालयका कर्मचारीहरूले व्यवस्थापन गरिसकेका छन्।

बालुवाटारस्थित सरकारी निवासबाट प्रधानमन्त्री कार्कीको परिवारले आफ्नो सामान टोखास्थित निजी निवासमा सारिसकेको छ। केही दिनदेखि त्यहाँ सुरक्षाकर्मी बस्न आवश्यक संरचना तयार गर्ने काम भइरहेको छ।

पूर्वप्रधानन्यायाधीशसमेत रहेकी कार्की अब पूर्वप्रधानमन्त्रीको हैसियतले सुरक्षा सुविधा पाउने भएकाले उनको निजी निवासमा सुरक्षाकर्मीको टोली थपिने तयारी गरिएको छ।