अमेरिकाले इरानी आणविक केन्द्रहरूमाथि आक्रमण गरेर ठूलो गल्ती गर्यो -अयातुल्लाह अली खामेनी

काठमाडौं । इरानका सर्वोच्च नेता अयातुल्लाह अली खामेनीले अमेरिकाले इरानी आणविक केन्द्रहरूमाथि आक्रमण गरेर ठूलो गल्ती गरेको र अब अमेरिकामाथि गम्भीर बदला लिने घोषणा गरेका छन् । खामेनाइले अमेरिकी आक्रमणमाथि पहिलो प्रतिक्रिया जनाउँदै इरानले अब अमेरिकी सैनिक अखाडामाथि धन्धाधुन्ध हमला गर्ने चेतावनी दिएका हुन् ।

यसैबीच इरानी सेनाले सामाजिक सञ्जाल एक्समा पोस्ट गर्दै आफ्नो आणविक कार्यक्रम पूर्ण रूपमा अक्षुण्ण रहेको दाबी गरेको छ। यसका साथै, यसले ट्रम्पलाई “पिग म्यान” (सुँगुर मान्छे) भनेको छ र फेरि एक पटक उनलाई झूट बोलेको आरोप लगाएको छ। यो बयान यस्तो समयमा आएको हो जब हालै अमेरिकाले इरानको आणविक अड्डाहरूमा हवाई हमला गरेको दाबी गरेको थियो र अमेरिकी राष्ट्रपति डोनाल्ड ट्रम्पले इरानलाई “शान्ति वा त्रासदी” मध्ये एक छनोट गर्न चेतावनी दिएका थिए।

इरानको यो दाबीको अर्थ पश्चिमी देशहरूले आफ्नो आणविक प्रतिष्ठानहरूलाई क्षति पुर्‍याउने वा आफ्नो कार्यक्रमलाई सुस्त बनाउने बारेमा गरिरहेका सबै दाबीहरू निराधार छन् भन्ने हो। यसले तेहरानको दृढ संकल्पलाई देखाउँछ कि जतिसुकै अन्तर्राष्ट्रिय दबाब आए पनि यो आफ्नो आणविक लक्ष्यहरूबाट पछि हट्ने छैन।

यसैगरी पश्चिम एसियामा जारी तनावका बीच अमेरिकी राष्ट्रपति डोनाल्ड ट्रम्पले राष्ट्रका नाममा सम्बोधन गर्दै इरानलाई प्रत्यक्ष चेतावनी दिएका छन्। इरानको आणविक स्थलहरूमा अमेरिकी हवाई आक्रमणपछि ट्रम्पले भनेका छन्, “अब इरानले युद्धको बाटो त्यागेर शान्तिको बाटो अपनाउने समय आएको छ। इरानमा या त शान्ति हुनेछ या त त्रासदी हुनेछ।”

अमेरिकी राष्ट्रपति डोनाल्ड ट्रम्पले इरानको आणविक स्थलहरूमा सफल सैन्य आक्रमणपछि देशवासीहरूलाई सम्बोधन गर्दै इरानलाई कडा शब्दमा चेतावनी दिएका छन्। उनले भने, “इरानले विगत ४० वर्षदेखि विश्वलाई धम्की दिइरहेको छ, तर अब शान्तिको बाटो अपनाउने समय आएको छ।”

ट्रम्पले आफ्नो भाषणमा खुलासा गरे कि अमेरिकी सेनाले इरानमा “सबैभन्दा कठिन र संवेदनशील लक्ष्यहरू”मा प्रहार गर्‍यो र यो अपरेशन पूर्णरूपमा सफल भयो। उनले भने कि “आक्रमणहरूले फोर्डो, नातान्ज र एस्फहानजस्ता प्रमुख आणविक संवर्धन स्थलहरूलाई पूर्णरूपमा ध्वस्त पारे। हाम्रो लक्ष्य इरानको आणविक संवर्धन क्षमतालाई नष्ट गर्नु थियो, र हामी त्यसमा सफल भएका छौं। यी स्थलहरू अब संसारको लागि खतरा छैनन् ।”

“संसारको कुनै पनि सेनाले यो गर्न सक्दैन।” अमेरिकी सेनाको प्रशंसा गर्दै ट्रम्पले भने, “यति सटीकता र बलका साथ यस्तो अपरेशन गर्न सक्ने संसारको कुनै पनि सेना छैन।” उनले यो अपरेशनलाई “महान सैन्य सफलता” भनेर यसलाई अमेरिकी सेनाको क्षमताको प्रमाण भने।

राष्ट्रपति ट्रम्पले इरानमाथि गम्भीर आरोप लगाउँदै भने कि “यो देश विश्वमा आतंकवादको पहिलो प्रायोजक बनेको छ र यसको आणविक कार्यक्रम विश्वव्यापी शान्तिको लागि गम्भीर खतरा हो। तिनीहरूले हाम्रा मानिसहरूलाई मारेका छन्, उनीहरूको हातखुट्टा काटेका छन्। कासिम सुलेमानीले धेरै निर्दोष मानिसहरूलाई मारे। मैले धेरै पहिले नै निर्णय गरिसकेको थिएँ कि यो अब काम गर्दैन”, ट्रम्पले भावुक हुँदै भने।

ट्रम्पले इरानलाई चेतावनी दिए कि यदि यो अझै पनि सुधार भएन र यस क्षेत्रमा शान्तितर्फ अघि बढेन भने, आगामी आक्रमणहरू अझ ठूला हुनेछन् उनले जोड दिए र भने “अब इरानले बुझ्ने समय आएको छ कि शक्तिको अगाडि झुक्नु कमजोरी होइन, बुद्धिमत्ता हो। शान्तिको बाटो नै अगाडि बढ्ने एक मात्र बाटो हो।”

इजरायलका प्रधानमन्त्री बेन्जामिन नेतन्याहूको पनि वक्तव्य बाहिर आएको छ जसमा उनले स्पष्ट रूपमा भनेका छन्, “शान्ति शक्तिबाट आउँछ, कमजोरीबाट होइन।” अमेरिकाले इरानका तीन प्रमुख आणविक स्थलहरू (फोर्डो, नातान्ज र एस्फहानमा बंकर बस्टर बमले आक्रमण गरेपछि, इजरायलले यो कदमलाई ूसाहसी र आवश्यक”, भनेर वर्णन गरेको छ। प्रधानमन्त्री नेतान्याहूले एक आधिकारिक विज्ञप्तिमा भनेका छन्, “हामीलाई थाहा छ कि शान्ति तब मात्र आउँछ जब तपाईंसँग आफ्नो रक्षा गर्ने शक्ति हुन्छ। अमेरिकाले देखाएको छ कि यसले केवल शब्दले होइन, कार्यले प्रतिक्रिया दिन्छ।