लस एन्जलस ओलम्पिकमा हुने क्रिकेट खेलको मिति तय

काठमाडौँ । २०२८ मा हुने लस एन्जलस ओलम्पिकमा हुने क्रिकेट खेल हुने मिति सार्बजनिक गरिएको छ । क्रिकेटका खेलहरू जुलाई १२ देखि हुने भएका छन् । जबकि पदक खेलहरू जुलाई २० र २९ मा खेलिनेछन् ।

टी-२० फर्म्याटमा खेलिने खेल पोमोना शहरको फेयर ग्राउन्ड्स स्टेडियममा खेलिनेछन् । लस एन्जलसबाट लगभग ५० किलोमिटर टाढा यस ठाउँमा अस्थायी रंगशाला निर्माण गरिने बताइएको छ ।

प्रतियोगितामा प्रायः डबल हेडरहरू हुनेछन् अर्थात् दिनमा दुई खेलहरू हुने छन् । जुलाई १४ र २१ मा कुनै खेल हुनेछैन । यस प्रतियोगितामा ६-६ महिला र पुरुष टोलीले भाग लिनेछन् । यसमा कुल १८० खेलाडीहरूले भाग लिनेछन् । प्रत्येक टोलीमा १५ खेलाडीहरू छनोट गरिनेछ ।

यस ओलम्पिकमा सहभागी हुने देश कसरी छनौट हुन्छन् भन्ने स्पष्ट भएको छैन तर आयोजक अमेरिकाले खेल्ने निश्चित छ । यसको अर्थ अमेरिका बाहेक, पाँच थप टोलीहरू भाग लिन पाउने छन् र तिनीहरूले छनोट खेल खेल्नुपर्ने बताइएको छ ।

अमेरिकाले गत वर्ष टी-२० विश्वकप आयोजना गरेको थियो । यी खेलहरू न्यूयोर्क, फ्लोरिडा र डलासमा खेलिएका थिए । 

१२८ वर्षपछि ओलम्पिक खेलकुदमा क्रिकेटको पुनरागमन हुँदैछ । यो खेल पहिलो पटक १९०० मा ओलम्पिकमा समावेश गरिएको थियो । त्यसपछि ग्रेट ब्रिटेन र फ्रान्सका टोलीहरूले यसमा भाग लिएका थिए । ग्रेट ब्रिटेनले स्वर्ण जित्यो र फ्रान्सले रजत पदक जित्यो । दुई टोलीहरूबीच केवल एउटा खेल खेलिएको थियो र यो खेलनै फाइनल खेलिएको भयो ।