नेपाली राष्ट्रिय क्रिकेट टिमले अस्ट्रेलियामा पाँच अभ्यास खेल खेल्ने

काठमाडौँ । नेपाली राष्ट्रिय क्रिकेट टिमले अस्ट्रेलियामा पाँच अभ्यास खेल खेल्ने भएको छ ।

नेपाल क्रिकेट संघ (क्यान) ले नेपालले टप इन्ड टी-२० सिरिजपछि ५ अभ्यास खेल खेल्ने भएको जानकारी दिएको छ । नेपाली क्रिकेट टिमले आइसीसी टी-२० विश्वकप एसिया- इएपी छनौट को तयारीका लागि यी अभ्यास खेल खेल्न लागेको क्यानले बताएको छ ।

नेपाली टिमले अस्ट्रेलियामा क्रिकेट एसिटी र साउथ अस्ट्रेलियासँग अभ्यास खेल खेल्न लागेको हो । नेपाली टीमले क्रिकेट एसिटीसँग अगस्त २६ मा दुई टी-२० खेल्ने छ बहने साउथ अस्ट्रेलियासँग अगस्त २८ मा दुई टी-२० खेल्ने छ । त्यस्तै अगस्त ३० मा साउथ अस्ट्रेलियासँग एक एकदिवसीय खेल खेल्ने क्यानले जनाएको छ ।

हाल अस्ट्रेलियामा रहेको नेपाली टिमले  टप इन्ड टी-२० सिरिज अन्तर्गत शुक्रबार नर्थर्न टेरोटेरी स्ट्राइकसँग खेल्ने तालिका रहेको छ ।