संग्रहालयमा राखिएको २०० वर्ष पुरानो कन्डम

काठमाडौं । नेदरल्यान्ड्सको एम्स्टर्डमस्थित रिजक्स म्युजियममा २०० वर्ष पुरानो कन्डम प्रदर्शनमा राखिएको छ । यो कन्डम राम्रो अवस्थामा देखिन्छ ।

यो भेडाको एपेन्डिक्सबाट बनेको विश्वास गरिन्छ । यसमा एक भिक्षुणी र तीन पुजारीहरूको तस्वीर छ । यो दुर्लभ कलाकृति १८३० को हो र यसलाई संग्रहालयले गत वर्ष लिलामीमा किनेको थियो ।

यो कन्डम १९औं शताब्दीमा वेश्यावृत्ति र कामुकता सम्बन्धी प्रदर्शनीको एक हिस्सा हो । प्रदर्शनीमा प्रिन्ट, चित्र र तस्वीरहरू पनि समावेश छन् ।

रिजक्स म्युजियमकी क्युरेटर जोइस जेलेनले भनिन्, “जब पहिलो पटक लिलामीमा कन्डम देखेँ, तब म र मेरो एक सहकर्मी “हाँसेका” थियौँ । बोली लगाएका व्यक्तिले बाहेक कसैले पनि यसमा ध्यान दिएका थिएनन् ।”

यो प्राप्त गरेपछि यसलाई पराबैंगनी प्रकाशअन्तर्गत जाँच गर्दै उक्त कन्डम प्रयोग नगरिएको पाइएको जेलेन बताउँछिन् । “यो एकदम राम्रो अवस्थामा थियो,” जेलेनले थपिन् ।

कन्डम कहाँबाट आयो ?

उनले भनिन्, “जबदेखि यो कन्डम प्रदर्शन गरिएको छ, संग्रहालय मानिसहरूले भरिएको छ । हामीले धेरै राम्रो प्रतिक्रिया पाइरहेका छौं, युवा र वृद्ध दुवैले यसमा रुचि लिइरहेका छन् । कन्डमहरू फ्रान्सको एक आकर्षक वेश्यावृत्ति केन्द्रबाट प्राप्त विलासी “स्मारिका” हो भन्ने विश्वास गरिन्छ । यी मध्ये अब दुईवटा मात्र बाँकी रहेको बताइएको छ ।”

संग्रहालयले भन्यो, “असामान्य वस्तुले यौन स्वास्थ्यको अँध्यारो र उज्यालो पक्षलाई त्यो युगमा देखाउँछ, जब यौन आनन्दको खोजी अनिच्छित गर्भावस्था र सिफिलिसको डरसँगै हुन्थ्यो ।”

यस कन्डममा छापिएको तस्विरमा एक भिक्षुणी बसेको देखिन्छ । उनको पोशाक खुला छ । यी भिक्षुणीले पुजारीहरूतिर औंल्याइरहेकी छिन् र तीनै जना पुजारी सधैं जस्तै उनको अगाडि उभिरहेका छन् ।

यो कन्डममा लेखिएको छ, “भोयाला मोन चोइस” । जसको अर्थ “यो मेरो इच्छा हो ।”

संग्रहालयले कन्डममा भएको तस्वीरलाई “ब्रह्मचर्यको बारेमा ग्रीक मिथक, पेरिसको न्यायको प्यारोडीको रूपमा हेर्न सकिन्छ” भनेको छ ।वास्तवमा यो पेरिस नामक ट्रोजन राजकुमारको पौराणिक कथा हो, जसले एफ्रोडाइट, हेरा र एथेनामध्ये सबैभन्दा सुन्दर देवी को हो भनेर निर्णय गर्नुपर्थ्यो ।

यस संग्रहालयले आफ्नो प्रिन्ट सङ्कलन कक्षमा ७.५ लाख प्रिन्ट, चित्र र तस्वीरहरू रहेको बताएको छ । तर, यो कन्डममा प्रिन्ट गरिएको पहिलो संग्रह हो ।

“हामी भन्न सक्छौं कि हाम्रो एक मात्र कला संग्रहालय हो जहाँ नक्कली कन्डमहरू छन्,” जेलेनले भनिन् ।

उनले थपिन्, “मेरो संस्था अन्य संग्रहालयहरूलाई कलाकृति “उधारो दिन खुला” छ, तर कन्डम धेरै कमजोर थियो । यो नोभेम्बरको अन्त्यसम्म प्रदर्शनमा रहनेछ ।”

-बीबीसीको सहयोगमा