आइपिएलको मिनी अक्सन डिसेम्बरमा, नोभेम्बर १५ सम्म खेलाडी रिलिज-रिटेन गर्ने समय

काठमाडौँ । २०२६ को इन्डियन प्रिमियर लिग (आईपीएल) को लागि मिनी अक्सन डिसेम्बरमा हुने अपेक्षा गरिएको छ । रिपोर्ट अनुसार, लिलामी डिसेम्बर १३ देखि १५ सम्म हुने तय गरिएको छ । त्यस्तै प्रतियोगिताका १० फ्रेन्चाइजीलाई नोभेम्बर १५ सम्म रिटेन्सनका लागि समय दिइएको छ ।

यस वर्षको अक्सन भारतमा हुन सक्ने बताइएको छ । यद्यपि, बीसीसीआईबाट अहिलेसम्म आधिकारी जानकारी बाहिर आएको छैन । २०२३ को लिलामी दुबईमा र २०२४ को लिलामी साउदी अरेबियामा भएको थियो ।

मिनी अक्सनमा, फ्रेन्चाइजीहरूले आफूले चाहे जति खेलाडीहरू रिटेन गर्न सक्छन् । यो अक्सन सामान्यतया एकै दिनमा समाप्त हुन्छ, किनकि धेरै खेलाडीहरूले बोली लगाउँदैनन् । अर्कोतर्फ, मेगा अक्सन प्रत्येक तीन वर्षमा एक पटक आयोजना गरिन्छ, र टोलीहरूले अधिकतम छ खेलाडीहरूलाई कायम राख्न सक्छन् ।

२०२५ को आईपीएल अघि मेगा लिलामी आयोजना गरिएको थियो । यस पटक, मिनी अक्सन हुने तालिका छ । त्यस्तै अर्को वर्ष पनि मिनी अक्सन आयोजना गरिनेछ, त्यसपछि २०२८ मा मेगा लिलामी हुनेछ । मेगा अक्सनको बीच दुई मिनी अक्सन आयोजना गरिनेछ ।

मिनी अक्सनको लागि खेलाडीहरूलाई कायम राख्ने अन्तिम मिति नोभेम्बर १५ हो । यस मितिसम्ममा, टोलीहरूले आफ्नो टोलीबाट रिलिज गरिएका र रिटेन गरिएका खेलाडीहरूको बारेमा आईपीएल काउन्सिललाई जानकारी गराउन भनिएको छ । गत सिजन पुछारको तीन स्थानमा रहेका चेन्नई सुपर किंग्स, कोलकाता नाइट राइडर्स र राजस्थान रोयल्सले बलियो टोली निर्माण गर्न आफ्ना धेरैजसो खेलाडीहरूलाई रिलिज गर्न सक्ने बताइएको छ ।

आइपिएल मार्चदेखि मे सम्म हुने गर्दछ भने यो विश्व कै सबैभन्दा ठुलो टी-२० फ्रेन्चाइजी लिग बनेको छ ।