प्रधानन्यायाधीश सिफारिस कार्यक्षमता र योग्यताको आधारमा गरिएको हो : उपसभामुख

काठमाडौं । प्रतिनिधिसभाकी उपसभामुख रुबीकुमारी ठाकुरले प्रधानन्यायाधीश सिफारिस कार्यक्षमता र योग्यताको आधारमा गरिएको दावी गरेकि छन् । आज(शनिबार) फेसबुकमार्फत प्रतिक्रिया दिँदै उनले यसमा कुनै किन्तु–परन्तुको आवश्यकता नभएको प्रतिक्रिया दिएकी हुन् ।

‘प्रधानन्यायाधीश नियुक्ति कार्यक्षमता मूल्यांकनका आधारमा गरिएको छ। यसमा कुनै किन्तु–परन्तुको आवश्यकता छैन। राज्यका हरेक अंग देश, जनता र राज्यको हितका लागि हुनुपर्छ। यहाँ कसैको आदेश–उपदेशभन्दा पनि संविधान, कानुन र जनहित सर्वोपरि हुन आवश्यक छ,’ उनले भनेकि छन् ।

यस्तो छ उनको भनाइ :

सम्पूर्णमा नमस्कार तथा प्रणाम।

न्याय प्रणालीबारे धेरै समयदेखि जनता गुनासो गर्दै आइरहेका छन् “हाम्रो मुद्दा यति वर्ष लगाइयो, उति वर्ष लगाइयो” भनेर। एउटा मुद्दाको फैसला हुन अत्यधिक समय लाग्नु न्याय प्रणालीका लागि गम्भीर विषय हो। जब नियुक्ति कार्यक्षमता र योग्यताको आधारमा नभई दल वा पार्टीको आधारमा हुन्छ, त्यसको परिणाम पनि त्यस्तै देखिन थाल्छ।

प्रधानन्यायाधीश नियुक्ति कार्यक्षमता मूल्यांकनका आधारमा गरिएको छ। यसमा कुनै किन्तु–परन्तुको आवश्यकता छैन। राज्यका हरेक अंग देश, जनता र राज्यको हितका लागि हुनुपर्छ। यहाँ कसैको आदेश–उपदेशभन्दा पनि संविधान, कानुन र जनहित सर्वोपरि हुन आवश्यक छ।

निष्पक्ष, सक्षम र जिम्मेवार न्याय प्रणाली नै लोकतन्त्रको वास्तविक आधार हो।

साथ, सहयोग र समर्थनका लागि सम्पूर्णमा धेरै–धेरै धन्यवाद।

सम्पूर्णमे नमस्कार प्रणाम।

न्याय प्रणालीमे बहुत घटनासँ जनता कहैत आबि रहल छथि जे “हमरा अतेक साल लगादेलक, ओतेक साल लगादेलक” एकटा मुद्दा फर्छ्यौट होइमे। जखन नियुक्ति कामके आधार पर नहि भ क पार्टीके आधार पर होइ छै, त परिणाम सेहो ओहने देखाइ दै छै।

प्रधानन्यायाधीश नियुक्ति कार्यक्षमता मूल्यांकनक आधार पर कएल गेल छै। एहिमे किन्तु-परन्तुक कोनो बात नहि छै। राज्यक प्रत्येक अंग देश, जनता आ राज्यक हित लेल होइ छै। एहिमे केकरो आदेश–उपदेश नहि, बल्कि संविधान, कानुन आ जनहित सर्वोपरि होबाक चाही।

निष्पक्ष, सक्षम आ जिम्मेवार न्याय प्रणालीए लोकतन्त्रक असली आधार होइ छै।

साथ, सहयोग आ समर्थनके लेल सम्पूर्णगोटेमे बहुत–बहुत धन्यवाद।