निजामती, प्रहरी र शिक्षकको नयाँ तलबमान पारित: साउन १ देखि नै लागू हुने

काठमाडौँ। सरकारले निजामती, प्रहरी, सेना, शिक्षक तथा अन्य सरकारी कर्मचारीहरूको नयाँ तलबमान स्वीकृत गरेको छ। मन्त्रिपरिषद्को हालै बसेको बैठकले स्वीकृत गरेको नयाँ तलब संरचना चालु आर्थिक वर्षको साउन १ गतेदेखि नै लागू हुनेछ।

बढेको र समायोजन गरिएको नयाँ तलबमानअनुसार सबै तहका सरकारी कर्मचारी, राष्ट्रसेवक तथा शिक्षकहरूले साउन महिनादेखिकै परिमार्जित तलब प्राप्त गर्नेछन्। बजेट वक्तव्यमा घोषणा गरिएबमोजिम नै कर्मचारीहरूको मनोबल उच्च बनाउन र जीवनस्तर सहज बनाउने उद्देश्यले नयाँ तलब ढाँचा स्वीकृत गरिएको सरकारका प्रवक्ताले जानकारी दिएका छन्।

नयाँ तलबमान लागू भएसँगै सम्बन्धित मन्त्रालय तथा निकायहरूलाई सोहीअनुसारको भुक्तानी व्यवस्था मिलाउन महालेखा नियन्त्रक कार्यालय र अर्थ मन्त्रालयले आवश्यक पत्राचार तथा निर्देशन जारी गरिसकेका छन्। 

No ads found for this position