सामान्य अंकले बढ्यो नेप्से परिसूचक

काठमाडौं साताको तेस्रो कारोबार दिन मंगलवार नेप्से परिसूचक १.०३ अंकले बढेर २६११.४३ को विन्दुमा कायम भएको छ।

कारोबार भएका १२० कम्पनीको सेयर मूल्य बढ्दा १२६ कम्पनीको सेयर मूल्य भने घटेको छ । यसदिन ३१८ कम्पनीको २ करोड ५ लाख ४२ हजार ७६४ कित्ता सेयर किनबेच हुँदा ८ अर्ब ७४ करोड माथिको कारोबार भएको छ ।

नेपाल माइक्रो इन्स्योरेन्सका लगानीकर्ताले सबैैभन्दा धेरै १० प्रतिशतका दरले कमाएका छन् । यसपछि क्रेष्ट माइक्रो लाइफका लगानीकर्ताले ९.९९ प्रतिशत र ओम मेगा श्रीका लगानीकर्ताले ९.९८ प्रतिशतका दरले कमाएका छन् ।

सबैभन्दा धेरै सानिमा माई हाइड्रोपावरको ९२ करोड ८९ लाख रुपैयाँको सेयर कारोबार भएको छ । ङादी ग्रुप पावरको ६७ करोड ३२ लाख रुपैयाँ र राधि विद्युत कम्पनीको ३८ करोड २२ लाख रुपैयाँको सेयर कारोबार भएको छ । विन नेपाल लघुवित्त वित्तीय संस्थाका लगानीकर्ताले यसदिन १० प्रतिशतका दरले गुमाएका छन् ।