सुनको मूल्यमा ठूलो पहिरो: तोलामा एकैदिन ८ हजार ८ सय रुपैयाँ घट्यो

काठमाडौँ । नेपाली सुनचाँदी बजारमा आज सुनको मूल्यमा भारी गिरावट आएको छ। स्थानीय बजारमा छापावाल सुनको मूल्य अघिल्लो कारोबार दिनको तुलनामा प्रतितोला ८ हजार ८ सय रुपैयाँले घटेको हो।

नेपाल सुनचाँदी व्यवसायी महासंघका अनुसार अन्तर्राष्ट्रिय बजारमा सुनको मूल्यमा देखिएको तीव्र उतारचढाव र डलरको विनिमय दरमा आएको फेरबदलका कारण नेपाली बजारमा पनि एकैदिन उल्लेख्य मूल्य समायोजन गरिएको हो।

मूल्यमा आएको यो ठूलो गिरावटका कारण बजारमा सुन खरिदकर्ताहरूको चाप र चहलपहल बढ्ने अनुमान गरिएको छ। यस्तै, सुनसँगै चाँदीको मूल्यमा पनि गिरावट दर्ता भएको छ। महासंघका अनुसार आगामी दिनमा पनि अन्तर्राष्ट्रिय बजारको उतारचढावकै आधारमा नयाँ मूल्य निर्धारण हुनेछ।