अमेरिकाले कर लगाएपछि भारतीय रुपैयाँमा कीर्तिमानी गिरावट

काठमाडौँ । भारतमाथि अमेरिकाले कर लगाइएपछि शुक्रबार भारतीय रुपैयाँको मूल्य रेकर्ड न्यून बिन्दुमा झरेको छ । पहिलो पटक प्रति डलर ८८ भारतीय रुपैयाँको स्तर पार गरेको छ ।

अमेरिकी करले भारतको वृद्धि दरलाई असर गर्ने र पोर्टफोलियो लगानीलाई पनि असर पार्न सक्ने अपेक्षा गरिएको छ ।

अमेरिकाले यस हप्ता भारतीय सामानहरूमा थप २५ प्रतिशत कर लगाएको छ, जसले गर्दा कुल कर दर ५० प्रतिशत पुगेको छ ।

समाचार एजेन्सी रोयटर्सका अनुसार, शुक्रबार भरिय रुपैयाँ एक डलरको तुलनामा ८८.१९५० पुगेको छ, जुन दिनभरि ०.६५ प्रतिशतले घटेको छ । यो लगभग तीन महिनामा रुपैयाँको सबैभन्दा ठूलो एक दिनको गिरावट थियो । अगस्ट महिनामा भारतीय रुपैयाँ औसत ०.६८ प्रतिशतले घटेको छ ।