कैलाली घटनाः अर्जुन दासको हत्या आरोपमा चारजना पक्राउ

काठमाडौं । कैलालीको जानकी गाउँपालिका–९ घर भएका २५ वर्षीय अर्जुन दासको हत्या आरोपमा चारजनालाई महाननगरीय अपराध महाशाखाको टोलीले पक्राउ गरेको छ । 

अर्जुनको हत्या आरोपमा मनोज भण्डारीसहित चारजनालाई रुपन्देहीको सिदार्थनगर नगरपालिका–१ बेलहिया सीमानाकाबाट पक्राउ गरेको हो । 

पक्राउ पर्नेमा जानकी गाउँपालिका–९का १९ वर्षीय मनोज भण्डारी, जानकी गाउँपालिका–९ कै १९ वर्षीय रोनी परियार भन्ने दिलिप दास, सोही गाउँपालिकाका बमे भन्ने १९ वर्षीय बमबहादुर बोहोरा र १९ वर्षीय सुमित साउद रहेका छन् ।

कैलालीको जानकी गाउँपालिका–९को अमरावती सामुदायिक वनमा अर्जुन दासको घाँटी रेटेर हत्या भएको थियो ।