कांग्रेसको नाराबाजीबिच प्रधानमन्त्रीको विश्वासको मत लिने प्रक्रिया प्रारम्भ

काठमाडौं । प्रमुख प्रतिपक्षी दल नेपाली कांग्रेसको नाराबाजीबिच प्रधानमन्त्री पुष्पकमल दाहालले विश्वासको मत लिने प्क्रिया सुरु गरेका छन्। प्रतिनिधिसभाका सभामुख देवराज घिमिरेले कांग्रेसको नारबाजीबिच नै बैठकको प्क्रिया सुरु गरेका छन् । संसदीय इतिहासमा यस्तो प्रक्रिया सुरु गरिएको पहिलो पटक भएको छ । बैठकमा मर्यादापालकको सघन उपस्थिति रहेको छ ।

यसअघि प्रधानमन्त्री पुष्पकमल दाहाल ‘प्रचण्ड’ले राजनीतिक नेतृत्व कानुनभन्दा माथि हुन नसक्ने बताएका छन् । विश्वासको मत लिनुपूर्व प्रतिनिधिसभालाई आज सम्बोधन गर्दै प्रधानमन्त्री प्रचण्डले सुशासनका क्षेत्रमा जनतामा आशा जागेको र कानुनको शासन स्थापित हुँदै गएको बताए ।

“अहिले सुशासनका क्षेत्रमा आशा जागेको छ । पछिल्ला दिनमा लोकतन्त्र कता कता नेतातन्त्रजस्तो देखिँदै गएको थियो,” प्रधानन्त्री प्रचण्डले भने, “ राजनीतिक नेतृत्व कानुनभन्दा माथि भएको डरलाग्दो वैचारिकी बनिरहेको थियो । त्यसले समग्र व्यवस्थामाथि नै अविश्वास र घृणा बढाइरहेको थियो । तर भुटानी शरणार्थी, ललिता निवास, बाँसवारी, बाल मन्दिर, सुनकाण्ड लगायतका प्रकरणमा सरकारको निर्भिक र निष्पक्ष कारवाहीले जनतामा लोकतन्त्र र त्यसको शक्तिप्रति ठूलो भरोसा जागेको छ ।”