प्रतितोला १ लाख १० हजार पुग्यो सुनको मूल्य 

काठमाडौं । साताको पहिलो दिन आज आइतबार सुनको मूल्य बढेर अहिलेसम्मकै उच्च रेकर्ड कायम गरेको छ ।
आज छापावाल सुन २ हजार ९ सय रुपैयाँले बढेर प्रतितोला १ लाख १० हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।
अघिल्लो दिन शुक्रबार प्रतितोला १ लाख ७ हजार १ सय रुपैयाँमा कारोबार भएको थियो ।
यस्तै तेजाबी सुन प्रतितोला १ लाख ९ हजार ६ सय रुपैयाँमा कारोबार भइरहेको छ ।
त्यसैगरि चाँदी ३५ रुपैयाँले बढेर प्रतितोला १ हजार ३ सय ४५ रुपैयाँ कायम भएको छ ।