तनहुँको गोरेचौतारामा दुई बस एकापसमा ठोक्किँदा एक जनाको मृत्यु, ३० घाइते

तनहुँ। पृथ्वी राजमार्गअन्तर्गत तनहुँको बन्दीपुर गाउँपालिका–५ नयाँपुल गोरेचौतारामा  दुई बस ठोक्किँदा एक जनाको मृत्यु भएको छ । यस्तै ३० जना घाइते भएका छन् ।   

गण्डकी जिएए ००७० नम्बरको बस र भे१ख ३४८७ नम्बरको बस एकआपसमा ठोक्कँदा पोखराको चाउथे बस्ने ३९ वर्षीय रामबहादुर परियारको मृत्यु भएको  जिल्ला प्रहरी कार्यालय तनहुँका प्रहरी नायव उपरीक्षक अशोक थापाले जानकारी दिए । उनी गण्डकी जिएए ००७० नम्बरको बसका चालक रहेका जिल्ला प्रहरी कार्यालय तनहुँका डीएसपी अशोक थापाले जानकारी दिए ।  उनका अनुसार घाइतेमध्ये तीन जनाको अवस्था गम्भीर रहेको छ । 

बसमा च्यापिएका यात्रुलाई मुग्लिन पोखरा सडक योजनाको डोजरको सहयोगमा उद्धार गरिएको छ । हाल घाइतेहरूको डुम्रेस्थित लक्ष्मी अस्पताल र गम्भिर बिरामीलाई चितवन पठाइएको प्रनाउ थापाले बताए ।