भ्रष्टाचारको मुद्धा दायरपछि मधेशका सांसद सिंह निलम्बित

काठमाडौँ । मधेश प्रदेश सभाका सांसद सरोज कुमार सिंह निलम्बन भएका छन् ।

मधेश प्रदेश सभा सचिवालयले सिंहलाई भ्रष्टाचारको आरोपमा अख्तियार दुरुपयोग अनुसन्धान आयोगले मुद्धा दायर गरेको हुनाले उनी निलम्बनमा परेका हुन् ।

प्रदेश सभा सचिवालयले सिंहलाई प्रतिवादी कायम गरी अख्तियार दुरुपयोग अनुसन्धान ऐन, २०४८ को दफा १८ र दफा ३५ एवं भ्रष्टाचार निवारण ऐन, २०५९ को दफा ३६ बमोजिम विशेष अदालतमा आरोपपत्र दायर गरिएको, निज सार्वजनिक पद धारण गरेको राष्ट्रसेवक भएकोले निजको हकमा अख्तियार दुरुपयोग अनुसन्धान आयोग ऐन, २०४८ को दफा १७ तथा भ्रष्टाचार निवारण ऐन, २०५९ को दफा ३३ बमोजिम स्वतः निलम्वन हुने व्यवस्था अनुसार उनी निलम्बनमा रहेको जानकारी दिएको छ । जसपा नेपालका सांसद रहेका सिंहलाई प्रहरीले पक्राउ समेत गरिसकेको छ ।