तलब लिए लिनुस् नलिए नलिनुस्, म्यान्डेट अनुसारको काम गर्नुस् !

काठमाडौँ ।  प्रधानमन्त्री सुशिला कार्कीले तीन जनालाई मन्त्री नियुक्त गरेपछि उनीहरुले शपथ लिएर कार्यभार समेत सम्हाली सकेका छन् । 

अर्थमन्त्रीमा नियुक्त भएका रामेश्वर खनालले कार्यभार सम्हाल्दै आफुले सेवा सुविधा र सचिवालयका कर्मचारी नलिने बताए । उनले  मन्त्री नियुक्त हुनुअघि नै सेवा सुबिधा नलिने पुर्व शर्त राखेको बताइएको छ ।  उनले एक ड्राइभर र एक दुई जना सचिवालयमा कर्मचारी बाहेक नचाहिने बताए । त्यस्तै उर्जामन्त्रालयसहित तीन मन्त्रालयको जिम्मेवारी पाएका कुलमान घिसिङले पनि आफ्नो तलब भत्ता शहिद परिवारको नाममा बन्ने कोषमा दिने घोषणा गरे ।

आम रुपमा नयाँ मन्त्रीका यी घोषणालाई सस्तो लोकप्रियताको लागि गरिएको त होइन भन्दै खबरदारी शुरु भएको छ । काम गरेपछि सरकारले नियम अनुसार लिने सेवा सुबिधा लिनु अन्यथा होइन । तर जेनजी आन्दोलनको जगमा बनेको सरकार र यसका मन्त्रीहरुले आन्दोलनको म्यान्डेट अनुसार काम गर्न शुरु गरेकी गरेनन् वा भविष्यमा गर्छन् या गर्दैनन् भन्ने कुरा महत्वपूर्ण हो । अहिले तलब भत्ता लिन्न भन्ने कुरा महत्वपूर्ण होइन यो केबल मिडिया स्पेस लिने र सहानुभूतिका लागि हो भने त्यो झनै नराम्रो हुन जान्छ । 

यसै प्रसंगमा संगीतकार तथा गायक काली प्रसाद बास्कोटाले सटिक टिप्पणी गरेका छन् । उनले भनेका छन्- तलब लिए लिनुस्, नलिए नलिनुस्, यो मूल मुद्दा अहिले होइन । सबैलाई मिलाएर लैजाने अनि म्यान्डेट अनुसारको काम गर्नुस् । समय छैन ।'