नबिल बैंकद्वारा १५.८० प्रतिशत लाभांश प्रस्ताव

काठमाडौं — नबिल बैंक लिमिटेडले गत आर्थिक वर्ष २०८२/८३ को मुनाफाबाट सेयरधनीहरूलाई १५.८० प्रतिशत लाभांश वितरण गर्ने प्रस्ताव गरेको छ।

बैंकको सञ्चालक समितिको बैठकले आर्थिक वर्ष २०८२/८३ को सञ्चित मुनाफा तथा मुनाफा बाँडफाँड हिसाबबाट आफ्ना साधारण सेयरधनीहरूलाई चुक्ता पुँजीको ५ प्रतिशत बोनस सेयर र १०.८० प्रतिशत नगद लाभांश (करसहित) गरी कुल १५.८० प्रतिशत लाभांश दिने निर्णय गरेको हो।

यसैगरी, बैंकले पूर्वाधिकार सेयर (Preference Shares) तर्फ २१३ दिनको समानुपातिक आधारमा ८ प्रतिशत नगद लाभांश समेत प्रस्ताव गरेको छ।

प्रस्तावित लाभांश नेपाल राष्ट्र बैंकको स्वीकृति तथा बैंकको आगामी वार्षिक साधारण सभाबाट पारित भएपछि सेयरधनीहरूलाई वितरण गरिने बैंकले जनाएको छ।